Жаңалықтар10.02.2023

Балғожа биге арналған тұңғыш іс-шара

Ыбырай Алтынсариннің атасы Балғожа Жаңбыршыұлының туғанына 220 жыл толуына арналған тарихи-танымдық кеш «Балғожа бидің биігі» деп аталды.

Тағылымдық жиынға қатысқан ыбырайтанушы, ахметтанушы ғалымдар Серікбай Оспанұлы, Қалқаман Жақып, Ахмет Байтұрсынұлы атындағы Қостанай өңірлік университеті Қазақстан тарихы кафедрасы меңгерушісі, PhD доктор Рауан Байдалы Балғожаның тарихи  келбетін, әдеби әлпетін ашқан архив деректеріне сүйеніп, тың мағлұматтармен таныстырды. Балғожаның бейнесін салған, алғашқы жобалық портреттің авторы, белгілі суретші Мұхамедқали Рахалиев, Жаңбыршының ұрпағы 86 жастағы қария Төлеутай Құрманұлы сөз сөйлеп, Балғожа би жайында әңгіме өрбітті.  Жақында белгілі болған Балғожа бидің немересі Ыбырайға жазған тағы бір өлеңін Ы.Алтынсарин атындағы мамандандырылған мектеп-гимназия интернатының 5 сынып оқушысы Нұрсая Сәндібек жатқа оқыды. Осы мектептің 10 сынып оқушылары Едіресов Бекарыс пен Әміров Арман Балқожа би Жаңбыршыұлы мен Кенесарының сахналық бейнесін сомдап, көрініс көрсетті.
Осы күнге дейін Балғожаның қайтқан жылы белгілі болғанмен, туған жылы еш жерде жазылмай, фотосуреті де белгісіз  болып келді. Ыбырай Алтынсариннің мемориалдық музейінде атқарылған кейінгі зерттеу еңбектері осы олқылықтың орнын толтырып, тұлғаның туған жылын белгілеп, суретін анықтауға зор мүмкіндік берді.
Read more
Жаңалықтар10.02.2023

Журналистермен жүйелі әңгіме

Ы.Алтынсариннің Қостанай облыстық мемориалдық музейінде «Қазіргі қазақ журналистикасы» тақырыбында журналистер мен болашақ сала мамандары бас қосқан журфикс өтті.
        Қазақ баспасөзі жайында сөз қозғасақ,  оның басында тұрған Ыбырай Алтынсарин екенін білеміз. Ұлттық газет шығаруды ойлап ең алғаш 1879 жылы «Қазақ» атауымен газет шығаруды ойластырып, макетін, 4 беттен тұрады деп барлығын жасап даярлаған болатын. Ұлты үшін ана тілінде газет шығаруды ойлаған Ыбырай арманын кейін А.Байтұрсынұлы бастаған қазақ зиялылары жүзеге асырды.
Музейлік журфикске қазіргі таңда газет пен телеарна саласында қызмет істеп жүрген білікті журналистер шақырылды. Қазақстан Ұлттық арнасының Қостанай облысы бойынша тілшісі Дәуренбек Әбдібек «Хабар дайындау кезеңдері», Хабар Агенттілігің Қостанай облысы бойынша тілшісі Мағауия Қалиев «Авторлық бағдарлама әзірлеу», Облыстық «Қостанай таңы» газетінің аға-редакторы Айбек Ибраев «Мәтін жазу мәнері», «Қостанай» телеарнасының басшысы Ербол, Ипбергенов «Дикторға қойылатын талаптар», Астана телеарнасының Қостанай облысы бойынша тілшісі Заңғар Санай «Фейк ақпаратпен күрес. Фактчекинг жасау тәсілдері» тақырыптары бойынша тәжірибелерімен бөлісті.

Ең алғаш аудиториямен байланыс орнап, тәжірибе түрінде студенттер үлкен экран арқылы журналистикаға қатысты сұрақтарға жауап беріп, мақалаға тақырып қойып, диктор болып жаңалық жүргізіп көрді.

Мерзімді баспасөзде зор еңбек сіңіріп, қазақ телевизиясында өзіндік стилін қалыптастырған журналистердің бөліскен тәжірибесі қатысушыларға шын мәнінде үлкен олжа болды.
Жаңа форматта өткен музейлік журфик қатысушылардың қызығушылығын арттырып қызықты да тартымды өтті.
Read more
Жаңалықтар10.02.2023

Ән биігіндегі Әбілахат

2022 жылдың 25 қараша күні Қостанай облыстық Ыбырай Алтынсарин мемориалдық музейінде «Тобыл толқыны»атты белгілі композитор Әбілахат Еспаевтыңтуған күніне арналғантанымдық-сазды кеш өтті. Кештің басында Әбілахат Еспаевтың өмірбаяны жайында деректі фильм көрсетіліп, Ө.Сұлтанғазин атындағы Қостанай педагогикалық институтының «Музыка білім» оқу бағдарламасының студенттік хоры Әбілахат Еспаевтің әніне жазылған  «Ұстазым менің,  ұстазым» әнің шырқап берді.
Кештің барысында «Композиторлар Одағы» қоғамдық бірлестігінің мүшесі Жарқынбек Деріпсалдин, «Композиторлар Одағы» қоғамдық бірлестігінің мүшесі, өңіріміздің сазгері Бақытжан Мукашев, ҚР Білім беру ісінің үздігі, педагогика ғылымдарының кандидаты, А.Байтұрсынұлы атындағы Қостанай өнірлік университетінің қауымдастырылған профессоры, Ы.Алтынсарин медалінің иегері, мәдениет үздігі Салтанат Жақаева сөз сөйледі.
Кеш соңы  Ә.Еспаевтің әніне жазылған «Жайық қызы» атты әнімен тәмәмдалды.
Read more
Жаңалықтар10.02.2023

«Ыбырай шетел ғалымдарының зерттеуінде…»

Қостанай облыстық Ыбырай Алтынсариннің мемориалдық музейінде  «Ыбырай шетел ғалымдарының зерттеуінде…»атты ыбырайтанушы, абайтанушы, түрік ғалымы, PhD доктор,  ең алғашқы түрік тіліндегі Ы.Алтынсарин туралы кітаптың авторы Экрем Аянмен кездесу өтті.
Кездесу барысында Экрем Аян Ыбырай Алтынсарин туралы өзі жазған «Қазіргі қазақ әдебиетінің негізін салушы – Ыбырай Алтынсарин» (түрікше атауы «Modern Kazak Edebiyatının Öncüsü Ibıray Altınsarin») атты кітабы жайында толық ақпарат берді. Сонымен қатар, түрік тілінде жарық көрген  «Абай Құнанбаев – дәуір айнасы», «Қазақ дастандары» кітаптары туралы да  кеңінен баяндады.
Іс-шараға жергілікті зиялы қауым өкілдері белгілі ыбырайтанушы Серікбай Оспанұлы, ақын, жазушы, драматург Шаяхмет Ақылбек Қожаұлы, ұстаз Сүйінкина Пиалаш қатысты.
Қостанай облыстық Мәдениет басқамасының басшысы Ерлан Болатұлы Қалмақов түрік ғалымына Ыбырайдың туған еліне арнайы табан тіреп келгені үшін алғысын жеткізді.
Кездесу кешіне көрермен ретінде қатысқан Дарынды балаларға арналған «Білім-инновация» лицей-интернатының оқушылары мол мәліметпен қанықты.
Read more
Жаңалықтар10.02.2023

«Бейімбеттің биік тұлғасы»

15 қараша – қазақтың көрнекті жазушысы Бейімбет Майлиннің туған күні. Ы.Алтынсариннің Қостанай облыстық мемориалдық музейі Рудный қаласындағы Бейімбет Майлин атындағы №7 мектеп-гимназиясына барып «Бейімбеттің биік тұлғасы» жылжымалы көрмесімен таныстырды.

Көрермен назарына музей қорында сақталған Бейімбет Майлинге қатысты экспонаттар мен фотосуретер және құжат көшірмелері, шығармалары ұсынылды.

Read more
Жаңалықтар10.02.2023

 «Бар қазаққа ана едің…»

15 қараша – Ыбырай Алтынсариннің аталас туысы, Қазақстанның халық жазушысы, ақын Мәриям Хакімжанованың туған күні. Осыған орай, Қостанай облыстық Ыбырай Алтынсариннің мемориалдық музейінде 15-қараша күні «Бар қазаққа ана едің» атты әдеби демонстрация өтті.

Іс-шараға Қостанай қаласы  білім бөлімінің Мәриям Хакімжанова атындағы №20 жалпы білім беретін мектебінің оқушылары қатысты. Мерекелік шарада М.Хакімжанованың өмірі мен шығармашылығы жайында бейне көрсетілім, таныстырылым түрінде ақпарат берілді. Мәриям Хакімжанованың ұрпақтарынан музей қызметкерлері алған сұхбаттар көрсетілді.

Сонымен қатар, оқушыларға Қостанай облыстық Ыбырай Алтынсариннің мемориалдық музейі қорындағы Мәриям Хакімжанованың жеке заттарынан құрастырылған экспозиция таныстырылды. Іс-шара соңында оқушылар М. Хакімжанованың өлеңдерін оқып, кешті ерекше әсерге бөледі.

Read more