Жаңалықтар — Страница 2 — Мемориальный музей Ыбырая Алтынсарина

Жаңалықтар17.02.2023

ҚР Ұлттық музейіндегі республикалық семинар

2023 жылдың 16 ақпанында ҚР Ұлттық музейінде алғаш рет Халықаралық музейлер күнін атап өтуге арналған республикалық семинар өтті. Аталмыш семинарға Қостанай облыстық Ыбырай Алтынсариннің мемориалдық музейінің қызметкерлері Ж.Қ. Әлім мен Г.С.Катай қатысты.

Республикалық семинар Қазақстан Республикасы Ұлттық музейі директорының міндетін атқарушы А.Ж. Сыдықовтың алғы сөзімен басталды. Семинарда “Музей түні” акциясы: отандық және шетелдік музейлер тәжірибесі” тақырыбында ҚР Ұлттық музейі Қазақстан музейлерін дамыту жөніндегі үйлестіру-әдістемелік орталығының біліктілікті арттыру және әдістемелік қамтамасыз ету бөлімінің жетекшісі Қ.С. Адельчанов пен кіші ғылыми қызметкері Л.С. Нуркеева баяндама жасады. Сонымен қатар, Ә. Қастеев атындағы Қазақстан Республикасының Мемлекеттік өнер музейінің музей педагогикасы және жобалау қызметі бөлімінің меңгерушісі Г.Қ. Жұбаниязова “Ә. Қастеев атындағы Қазақстан Республикасының Мемлекеттік өнер музейінің “Музей түні” акциясы өткізу тәжірибесі”, Невзоровтар отбасы атындағы Бейнелеу өнері музейінің ғылыми-методикалық және көрме жұмысы жөніндегі директор орынбасары Г.Қ. Бүркітова “Ночь в музее имени семьи Невзоровых” тақырыптарында баяндама жасады.

Жаңалықтар11.02.2023

Сүбелі ойлы студенттер

2015 жылдан бері 9 ақпан күн қазақстандық жастар күні болып аталып жүргені белгілі. Уақытпен ілесіп, бағыт түзеуге бет алған тәуелсіз елдің ұландары ұлт алдында, Отан алдында өрелі ойлары мен тың жетістіктермен жетіліп, бүтін өз халқын емес, әлем алдында абырой биігінен көрініп жүр. Бүгінгі мереке аясында Қостанай облыстық Ы. Алтынсарин музейінде, «Жастар – болашақтың басты тұлғасы» атты А. Байтұрсынұлы атындағы Қостанай Өңірлік Университетінің жанынан құрылған «Ахмет ұрпақтары» пікірсайыс клубымен бірлесе отырып пікірсайыс өткізілді.

Пікірсайыс барысындағы негізгі мәселе «Тіл мәртебесі өз дәрежесінде ме?» деген сауалдың аясында өрбіген еді. Екі топ арасындағы спикерлер де ой таластырып, өз тұжырымдарын талқылады.

Ыбырай салған ізбенен, Ахмет қалдырған қасиетті мұрамыздың мәртебесін биіктеткен студенттердің сүбелі ойына разы болды тыңдарман.

Нәтижесінде екі топқа бөлініп, биік мақсаттарын шыңдауға ұмтылған жастардың тілегі де, ниеті де бір болды.

Жаңалықтар11.02.2023

Жанның шуағы, «Даланың таза бұлағы»

«Алматыкітап» баспасының 2023 жылдың 25 қаңтары мен 06 ақпан аралығында TopІQ республикалық онкүндігі негізінде Қарағанды облысының білім басқармасының қолдауымен Ыбырай Алтынсарин атындағы мектеп-лицейінде Халықаралық байқауда «Жылдың үздік кітабы» атанған «Даланың таза бұлағы» атты кітаптың таныстырылымы болып өтті.

Кездесу кешке кітап авторлары М.Оспанов, С.Өтелбаевамен сұхбат жүргізіліп, қатысушылар ағартушының өмірі мен қызметі жайында көкейдегі сауалдарын қойып, қызықты тарихи деректермен танысты.

Кешке арнайы келген «Алматы кітап» баспасының қызметкері Гүлнұр Серікқызы «TopIQ.kz» білім беру платформасына енгізілген «Даланың таза бұлағы» кітабының электрондық нұсқасымен таныстырды.

Жаңалықтар10.02.2023

Қарағанды төрінде — Ыбырай көрмесі

Қостанай облыстық Ыбырай Алтынсариннің мемориалдық музейі «Алтынсарин аймақтарда» жобасының аясында Қарағанды қаласында көшпелі көрмесін көрсетті.

Қостанай қаласы Ы.Алтынсарин мемориалдық музейімен жасалған меморандум негізінде Қарағанды қаласының білім бөлімі Ыбырай Алтынсарин атындағы мектеп-лицейінде өткен рухани жиында Ы.Алтынсарин атындағы мектептер Альянсы, Қарағанды облысының білім басқармасы, Қарағанды облысында білім беруді дамытудың оқу-әдістемелік орталығы және Қарағандының зиялы қауым өкілдері қатысты. Көрмедегі құндылықтар мен тарихи деректерден тәлім алған көрермендер түрлі сауалдарына жауап алды. Көшпелі көрменің мақсаты да ұлт ұстазы Ыбырайдың жолын тереңірек таныстыру еді.

Жаңалықтар10.02.2023

Болашақ «Тарих білгірлері»

2023 жылдың 31 қаңтарында Қостанай облыстық Ы.Алтынсариннің мемориалдық музейінде «Тарих білгірлері» атты интеллектуалды ойын ұйымдастырылды. Зияткерлік сайысқа қатысушылар Ыбырай Алтынсарин өмірі мен шығармашылығы және Қазақстан тарихы мен мәдениеті жайында сұрақтарға жауап беріп, білімдерін сынады.

Ойынға Қостанай қаласының № 15 жалпы білім беретін мектебінің жоғарғы сынып оқушылары қатысты.

Интеллектуалды ойын алдында оқушыларға Ыбырай музейінде экскурсия жүргізілді. Экскурсиядан соң, оқушылар алған мағлұмат, деректері бойынша сайысқа түсті.

Іс-шара барысында шәкірттер «Қазақстан тарихы» пәнінен білімдерін шыңдап, Ыбырай және өзге де тарихи тұлғалармен жақынырақ танысты.